Case a metade do orzamento gastarase na mellora da AC-211 da Ponte da Pasaxe ao Seixal

O Plan de Seguridade Viaria prevé reducir o risco das vías de toda Galicia cun investimento de 2.800 millóns de euros proxectados para os vindeiros catro anos 

Un total de 12.365 persoas morreron nos últimos vinte e cinco anos nas estradas galegas. A Xunta quere contrarrestar esta situación, e para iso vai poñer en marcha o Plan de Seguridade Viaria 2006-2010, que prevé un investimento de máis de 2.800 millóns de euros. Con el, o goberno galego pretende reducir nun 40% o número de vítimas en accidentes de tráfico e diminuír a gravidade dos mesmos.

Aínda que o plan prevé actuacións ata o ano 2010, o vindeiro 2007 concretaranse varias obras na comarca de A Coruña, onde está previsto o investimento de case cinco millóns de euros. Entre as actuacións máis relevantes está a proxectada na estrada AC-211 Ponte da Pasaxe-O Burgo-Costa da Tapia-O Seixal, que suporá o reforzo do firme, o repintado, a reposición e colocación de beirarrúas. Ademáis, realizarase unha nova ordenación de interseccións, coa ampliación dun carril máis da estrada sobre a ría de O Burgo e a creación dunha pasarela peonil na ponte sobre a ría. Para elo, o orzamento previsto ascende a 2 millóns de euros.

Actuarase tamén en Cambre remodelando a Costa da Tapia, ademáis de na travesía de Pravio e no cruce de Catro Camiños.

Outras intervencións de seguridade viaria na comarca afectarán á glorieta de intersección en A Telva, no concello de Culleredo, mentres que en Arteixo levaránse a cabo melloras nas travesías de Vilarrodís e de Meicende.

Os traballos afectarán tamén ás chamadas estradas de baixa intensidade, onde se investirán case 3 millóns de euros, como a AC-400, de Sigrás a Muros, e as vías incluidas no plano de conservación, polo que se reforzará o firme da carretera que vai de San Pedro de Nós a Cecebre, no municipio oleirense, e tamén na AC-182 do Espíritu Santo a Oleiros. No mesmo concello, os operarios traballarán tamén na AC-183, en Arillo, e as palas chegarán tamén ó municipio de Bergondo, onde se executará o novo acceso ao Centro de Minusválidos.

Revisado el : 31-12-2006 20:27

Media de votos