8maio

 Culleredo 8 de maio de 2006: Hoxe as 18:00h no Hotel Crunia de Fonteculler o BNG de Culleredo ofreceu unha rolda de prensa para presentar o seu programa electoral. Beatriz Pérez Mosquera número tres da candidatura, declarou que nestes comicios o BNG está a facer un grande esforzo por achegar as propostas a xente: envíos masivos do programa electoral, blog, web, reparto de cd´s, camisolas e actos en todas as parroquias do Concello. Beatriz P. Mosquera declarou “ estamos nun Concello no que aínda hai xente que non ten auga corrente, o noso proxecto de goberno ten moi en conta estas necesidades, e antes de plantexar grandes obras faraónicas, que valen máis para alimentar o ego dos gobernantes que para mellorar a vida de xente, solucionaremos o máis básico. O noso punto de partida son os veciños e veciñas, con especial atención á zona rural, as mulleres e a mocidade, sectores esquecidos durante 24 anos de goberno socialista. A partir de hoxe anunciaremos unha medida de goberno cada día, todas elas, realizables e pensadas para a xente.”

Candidata

A candidata á Alcaldía de Culleredo Raquel Jabares, presentou un exemplo do que será a xestión integradora e sustentábel do BNG: o proxecto Culleredo Vive a Ría. A proposta foi elaborada coa colaboración dunha valiosa equipa de técnicos multidisciplinares, partindo das propostas veciñais. Jabares definiu o proxecto como un exemplo de previsión, transversalidade e sobre todo vontade de que os veciños e veciñas poidan vivir con orgullo no seu propio Concello. A Candidata á Alcaldía declarou: “Agora mesmo o paseo da Ría está de costas á xente, e moi complicado o acceso e queda restrinxido para uns poucos. A nosa vontade e dar a volta a esta situación, abrindo o paseo ao todo Culleredo. Contemplamos accesos peonís dende Fonteculler, A Corveira, O Burgo, Vilaboa e Almeiras, incluso para persoas con mobilidade reducida. Apostamos por un tren metropolitano contemplado zonas de aparcadoiros, redeseñando os viais para que sexan máis humanos. A Cross será unha fábrica da cultura interxeneracional con locais de ensaio, salas polivalentes(para teatro, concertos), aulas de estudio, sementeiras de emprego interxeneracionais, rocódromo, clube de actividades náuticas, comedor municipal e aparcadoiro e aluguer de bicicletas entre outros usos, e aproveitando os espazos exteriores no verán.”

VideoElectoral